西班牙足球甲级联赛大势皇马打擂台要博拳

发布时间：2021-01-11 16:38:42 阅读：次来源：捆绑器厂家

西班牙足球甲级联赛大势：皇马打擂台要博拳

今晚西甲重头戏，就係皇马作客奥沙辛拿，后者喺主场已经摆下擂台，皇马肯定唔易应付。皇马目前落后榜首嘅巴塞4分，佢哋喺上星期面对马略卡，一度陷于苦战，射手宾施马虽然有波入，不过呢位法国射手亦都浪费多个入球机会，最终球队只能够仅胜1:0。皇马喺第2周亦都係以同样比数击败奥沙辛拿，当时佢哋凭住卡维奴嘅入波取胜。

如果话皇马嘅排名唔理想，咁奥沙辛拿可谓陷入危机之中。

佢哋今季嘅表现差强人意，目前更加录得3和5负、8场不胜嘅劣绩，球队目前同降班区域只有1分差距，如果今场输波嘅话，分分钟会跌到去榜尾，而教练甘马曹亦都要为自己嘅帅位而努力。幸好甘马曹喺赛前收到好消息，两名伊朗国脚尼古纳姆同索查已经参加完亚洲盃后归队，同时间前锋彭迪安尼亦都成功克服伤患，今场可以复出。

今晚仲有一场大战，就係马体会主场迎战毕尔包。马体会如果想挑战欧洲赛席位嘅话，今场赛事就不容有失。

客军毕尔包目前排喺联赛榜第6位，以2分之差领先今场对手马体会。马体会今场有前锋阿古路复出，佢将会拍住最佳拍档科兰一齐攻坚，后者过去对住毕尔包特别醒神，历来对过13场，总共取得12个入球。两雄相遇胜负难料。（互联网）